سؤال:.....................؟
جواب: للاسف انت كنت انسان اخد من عمرى احلى اوقات.. سرقها على وعد انى اتهنا بكل اللى جاى معاه... بس النتيجة ان الوقت اللى راح معاه مش راجع و الوقت اللى كان هيبقى معاه .. فعلا كان مع بعض من ذكرياته و الألم.... الألم اللى اتصاحبت عليه بعد الغدر و القطيعة...
و كأن الواحدة لازم تكون صخرة، و مع كل صدمة تفضل ثابتة... بس حتى الصخور بتتفتت و تنهار... و انا من برة كنت جرانيت ... اللى يشوف يقول جبل... و الحقيقة انى من جوا كنت قطعة صلصال... الصدمة تركت فيها فجوة و جرح كبير.. وصل للنخاع.. و الناس مالهاش الا الظاهر... و الظاهر ان حكايتنا كانت واخدة حكم اعدام من قبل حتى ما تبتدى الحكاية... وخلاص بطلت اسأل نفسى هى ليه بدئت... بس عايزة فعلا اعرف دالوقتى هى امتى هتنتهى!! لانى فعلا تعبت من صحبة الألم و تعبت من انى ارجع لذكريات اللى صنعها وهمى و خيالى و صورهالى على انها كانت احلى ايام فى حياتى فى الوقت اللى كانت فيه مجرد صفعات...
هو فين؟؟؟ الناس بتسألنى..
هو اتجوز؟؟ هو جاب أولاد؟؟؟؟ هو عامل ايه يا ترى من غيرك؟؟؟ و ازاى قادر ينسى كل الحب اللى كان!!!!
حد يجاوب على الناس اللى بتسأل لأنى للأسف معنديش اجابة... و لو كنت اعرف اجابة لأسئلتهم... كان زمانى معاه. بس الناس اتعمت انها تشوف انى فى مكان و هو فى مكان. و بيتعاملوا كأنى لسه مهتمة... مش قادرين يستوعبوا ان اهتمامى بشخص كان.. مش شخص موجود.. و مش قادرين يفهموا انى مش هسعى انى ادور على الشخص اللى كان ...لانه راح... و فعلا مات و اندفن فى شوية صور قديمة و شوية ذكريات هتروح لو انا كمان رحت ....لأن مالهاش وجود الا ....فى خيالى.
و ده كان ردى على سؤال ما اتسألش...
جواب: للاسف انت كنت انسان اخد من عمرى احلى اوقات.. سرقها على وعد انى اتهنا بكل اللى جاى معاه... بس النتيجة ان الوقت اللى راح معاه مش راجع و الوقت اللى كان هيبقى معاه .. فعلا كان مع بعض من ذكرياته و الألم.... الألم اللى اتصاحبت عليه بعد الغدر و القطيعة...
و كأن الواحدة لازم تكون صخرة، و مع كل صدمة تفضل ثابتة... بس حتى الصخور بتتفتت و تنهار... و انا من برة كنت جرانيت ... اللى يشوف يقول جبل... و الحقيقة انى من جوا كنت قطعة صلصال... الصدمة تركت فيها فجوة و جرح كبير.. وصل للنخاع.. و الناس مالهاش الا الظاهر... و الظاهر ان حكايتنا كانت واخدة حكم اعدام من قبل حتى ما تبتدى الحكاية... وخلاص بطلت اسأل نفسى هى ليه بدئت... بس عايزة فعلا اعرف دالوقتى هى امتى هتنتهى!! لانى فعلا تعبت من صحبة الألم و تعبت من انى ارجع لذكريات اللى صنعها وهمى و خيالى و صورهالى على انها كانت احلى ايام فى حياتى فى الوقت اللى كانت فيه مجرد صفعات...
هو فين؟؟؟ الناس بتسألنى..
هو اتجوز؟؟ هو جاب أولاد؟؟؟؟ هو عامل ايه يا ترى من غيرك؟؟؟ و ازاى قادر ينسى كل الحب اللى كان!!!!
حد يجاوب على الناس اللى بتسأل لأنى للأسف معنديش اجابة... و لو كنت اعرف اجابة لأسئلتهم... كان زمانى معاه. بس الناس اتعمت انها تشوف انى فى مكان و هو فى مكان. و بيتعاملوا كأنى لسه مهتمة... مش قادرين يستوعبوا ان اهتمامى بشخص كان.. مش شخص موجود.. و مش قادرين يفهموا انى مش هسعى انى ادور على الشخص اللى كان ...لانه راح... و فعلا مات و اندفن فى شوية صور قديمة و شوية ذكريات هتروح لو انا كمان رحت ....لأن مالهاش وجود الا ....فى خيالى.
و ده كان ردى على سؤال ما اتسألش...
