ليه تتحرش لما ممكن تتعالج؟؟؟ ربنا يشفيك.

الجزء الأول فى النوت أنقله لكم كما قرأته و بعدها أكتب تعليقى عليه:

 
لو التحرش سببه تأخر سن الجواز ؟ اللي عنده 45 سنه و متجوز و عنده 3 عيال بيتحرش لية ؟؟
لو التحرش سببه لبس البنت ؟ بيتحرشوا بالمحجبة زي اللي مش محجبة لية ؟؟
لو التحرش سببه نزول البنت اصلا من البيت ؟ طيب معاكسات التلفونات لية ؟
لو التحرش سببه الكبت الجنسي عند الشباب ؟ اللي عنده 12 سنه بيتحرش ليه ؟
لو التحرش سببه جسم البنت و مفاتنها ؟؟ بيتحرشوا بالبنات اللي عندها 11 و 12 سنه ليه ؟؟
لو التحرش سببة الفقر ؟ مدير الشركة بيتحرش بالسكرتيرة لية ؟
بأختصار اللي بيتحرش مجرد حيوان مش قادر يسيطر علي غريزته .. انه يبرر اللي بيعمله ان مش هو السبب فيه دا ملوش غير معني واحد .. انو ملهوش عقل و غريزته القذرة هي اللي بتحركة .. يعني الحيوان أحسن منه كمان

"منقول"

____________________________________________________

الناس المريضة اللى بتحاول تقول ان البنت او الست هى سبب التحرش الاول دى ناس مجرمة... اى نعم فيه بنات و ستات بيلبسوا بشكل مبالغ فيه... لكن دول مش كل نسبة المتحرش بيهم ابدا... و لا نص النسبة.... و لا لبسهم مبرر لراجل متزن و محترم او حتى طفل انه يتحرش بيهم...و انا واحدة من الناس اللى عشت التجربة و عارفة ان لبسى محترم و سلوكى محترم و اتجرحت كتير لما كنت بسمع شوية حيوانات بيبرروا لحيوان زيهم انه اتحرش بانسانة فى الشارع.... و ان شاء الله يحصل فى بناتهم كلهم.

 دى ناس مش بتفهم... و يمكن لما يحصل لبناتهم يعرفوا ان البنت مش هى سبب التحرش و يدوروا بقى على الاسباب الحقيقية للى بيحصل ده.

 منقدرش ننكر ان انحدار الثقافة و التعليم و القيم بشكل عام جعل من المجتمع شريك فى الجريمة دى و لازم الجيل اللى طالع ده يتربى صح على قيم مختلفة... الناس ماشية بشورت و فانلة فى اوروبا...رجالة و ستات.. و انا شوفت ده بعينى... محدش بيفكر يبص لحد اساسا... على شواطئ البحيرات فى النمسا... الستات بيعملوا "تان" و هم توبليس... محدش بصلهم.... مش بقول ان غايتنا او ان المفروض نعمل زيهم و لا حاجة... لكن لازم نبتدى نحترم نفسنا و نحترم خصوصية غيرنا... بدل ما كل متحرش مستحل لنفسه اى واحدة فى الشارع... اللى لابسة محترم و المتبرجة على حد سواء... دى اخلاق و ثقافة شعب انحدرت للاسف... و بقينا دالوقتى بنبص للغرب على انه القدوة... شئ مؤلم.

(اللى مقتنع ان البنت هى السبب فى التحرش ياريت يتفرج على حلقة خواطر فى الموسم الرابع لأحمد الشقيرى و يشوف تجربة حصلت فى دولة عربية شقيقة عن المعاكسات و التحرش و بعدها يحكم بنفسه... الحلقة عنوانها: معاكسات .. و دى اللينك بتاعتها

https://www.youtube.com/watch?v=ysNmFv3r_uI
)

انا ببص لمسرحيات كمان زى مدرسة المشاغبين و افلام زى بتاعة رمز الجيل المهبب تامر حسنى (برغم ان صوته مش ولا بد) و افلام اللى قبله... زى عادل امام ... اى نعم بعض أفلامهم لها رسالة ... لكن كان فيها سم جوا العسل... وصلوا سلوكيات لأجيال كاملة اقل شئ يتقال عنها انها سلوكيات مخزية.... شئ يكسف بجد. بس دالوقتى طلعت افلام و مسلسلات بتحارب ده... حتى فى تركيا... انا مش بتابع المسلسلات  التليفزيونية لكن سمعت و شوفت بعض حلقات من المسلسل التركى اللى العالم كله تقريبا شافه عن فاطمة اللى تم اغتصابها و العالم اتعاطف معاها ضد مغتصبيها.... و نزلت افلام فى مصر بتورى مجتمع اطفال الشوارع و المتحرشين منهم و من فئات غيرهم... دالوقتى بقى لازم الناس تفهم ان المعاكسة اللى كان بيعاكسها عادل امام ليسرا و تحرشه بعديلة فى سلسلة الافلام اللى بعتبرها هابطة كان شئ المفروض يكون له عقاب مش المفروض نضحك عليه و ندفع فى شبابيك التذاكر علشان ندخل نشوفه.

و فى النهاية لازم اقول كلمة للحق,,,المتحرش شخص مريض... مش قادر يتحكم فى غريزته او فى افكار فى مجتمعه المريض جعلت من غريزته سلاح ذو حدين..... سلاح يؤذى المتحرش بهن و المتحرش نفسه... لو لقيت شخص متحرش,,, اول شئ حاول تجعله ينتهى عما يفعل و لو لحظيا... و بعدها حاول تكلمه و تفهمه ان ده مرض و انه كإنسان أفضل من انه يكون حيوان بيتحرش بانسانة فى شارع .... و لو ما تقدرش تعمل اى حاجة من اللى قلتهم..... يبقى اخيرا حاول تدعيله بالشفا فى قلبك.

نهى حجاج

شوية خطرفة من أيام فاتت

بعض الأشياء اللى مش قادرة انساها حتى اليوم من اى خبرة مرت عليّ فى حياتى كانت تصحيح لأخطاء عملتها فى السابق... فعلا التعلم من الخطأ لا يمكن محوه بسهولة.

و ده معناه اننا لازم نجرب ...و لو أخطأنا يبقى يا بختنا لاننا هنتعلم اللى مش ممكن ننساه :)



فكر فى أولوياتك يا مصرى... و خليك بعيد النظر.
اوعى تقول ده حامينا و تقعد بقى و تنتظر.
يا تعيش ذليل مقهور و تقول نصيب أو قدر.
أو تبقى مصرى حر يقولوا " عملها و قدر".



الصين و تركيا... عمالقة بين الأقزام و أقزام بين العمالقة....
احنا بقى ... بالمنظر ده تحت أووووووووووى... لا حصلنا عمالقة طبعا... و لا حتى أقزام....
توب علينا يار ب م "الصيييف" وبلاويه واللى بيجرى فيييييييييه
و حط الكلمة اللى انت عايزها مكان كلمة "الصيف"... و المعنى فى كرش الشاعر :)))))



حينما أعملت عقلى عرفت انك موجود يا الله... و حينما عجز عقلى عن التفكير التجأت إليك يا الله......... الحمد لله يا الله انك ربى و لا إله سواك... و الحمد لله على نعمة الإسلام و كفى بها نعمة.



بعد اضافة صديق جديد على بروفايلى.... و بعد القاء نظرة سريعة على الانفو بتاعته... اكتشفت انه من ابناء الثورة ..و تجرى فى عروقة دماء الحرية حتى النخاع... فقد كتب ضمن بياناته انه خريج مدرسة "المخلوع" الثانوية :)))))))))))))))))))))))

بتخيل "الحق" عبارة عن خط مستقيم غير مرئى... يا إما تمشى عليه دوغرى و تحاول ماتحيدش عنه فاتقع..او تمشى عمودى عليه و تخالفه فتتكعبل فيه و تقع برضه بس بتبقى الوقعة أشد إيلاما....لا تحد عن الحق. 

هناك فرق بين التعامل بسلوكيات الدين و العمل تحت مظلته و بين استغلاله و اشهاره كسلاح فى وجه الأخر................. و انقل قول لشيخ محمد الغزالي رحمه الله "إن انتشار الكفر في العالم يحمل نصف أوزاره متدينون بغضوا الله إلى خلقه بسوء صنيعهم وسوء كلامهم"

تفاقم أى مشكلة قد يكون جيدا فى كثير من الأحيان... فذلك سوف يرغمنا على إيجاد الحل. 

لماذا يقولون أن المرأة لا تذكر محاسن الرجل أبدا و تذكر عيوبه فقط؟؟ إذا كان الأمر كذلك فبماذا نفسر ابتسامة على ثغر امرأة حين تعبر بخاطرها ذكرى رقيقة جمعتها بانسان أحبته و جرحها؟؟؟.... مجرد تساؤل

أعرف عن اليهودية ما يجعلنى أتقبلها.. و أعرف عن المسيحية ما يجعلنى أحترمها... و لكن أعرف عن الإسلام ما يجعلنى أؤمن به... 

تعرضت فى حياتى للنجاح.. و للفشل أيضا...ومع الوقت سعدت بفشلى أكثر... فقد كان مؤشرا لاقتراب نجاح أكبر من نجاحاتى السابقة... 

لا أعرف قدرى عند غيرى بالتحديد.. و لا أعلم على وجه الدقة ان كنت من أولويات الغير أم فى أسفل قائمة الاهتمامات... لكنى..أعرف قدرى عند نفسى جيدا... و لا أبخس أحدا حقه.. لأن الدوائر تدور و كما تدين تدان..

سوف تظل هناك أمور كثيرة تفوق حدود قدراتنا العقلية ... فلا تبالغ فى الاعتقاد بأنك على صواب... و أن غيرك على خطأ...و العكس.... و ثق بالله الذى تفوق قدرته كل حدود العقل و المنطق... و اعلم أن اليقين الوحيد هو اليقين بالله

Don't let boredom sneak into your rich life... it will leave it poor, worthless and meaningless while it's full of many good things to do... and remember ... even if you can't take... you can give...

Revolution notes:

No body is a "nobody". We have to respect each other's 

individuality.

N.H.

The only one enjoying happy moments all the way is a photo album..... It's a fact of life.. live with it.

شئ محزن أن يتآلف البشر مع الوحوش الضارية و لا يستطيعون التآلف مع بشر مثلهم :(

(بقلمى: نهى حجاج)